Um Steinhúsið
Steinhúsið er fyrsta steinsteypta húsið á Hólmavík á Ströndum, byggt árið 1911.
Búið er að gera húsið upp í gamaldags stíl og er það aftur orðin bæjarprýði á
Hólmavík sem er lítið sjávarþorp á Vestfjörðum. Í húsinu eru þrjár íbúðir
með sér inngangi. Í íbúðunum er boðið upp á gistingu með uppbúnum rúmum.
Ýmislegt gamalt sem fannst í húsinu við endurbæturnar er notað til skrauts svo
að saga þess verði sjáanleg fyrir gesti. Einnig er lögð áhersla á að hvert
herbergi sé hlýlegt og persónulega innréttað. Þetta er glæsilegt hús með
fróðlega sögu og góða sál.
Steinhúsið skiptist í aðalbyggingu frá árinu 1911 og viðbyggingu frá
árinu 1928. Í aðalbyggingunni eru fimm tveggja manna herbergi á efri hæðinni
með lítilli snyrtingu og stórum svölum. Tvær stórar stofur, rúmgott baðherbergi
og vel útbúið eldhús eru á neðri hæðinni. Í viðbyggingunni er lítil en glæsileg
tveggja herbergja íbúð með góðri eldunaraðstöðu, baðherbergi með sturtu og
hjónarúmi í svefnherberginu. Í kjallaranum er notaleg vel útbúin stúdíoíbúð með
eldhúskrók, svefnrými með hjónarúmi og barnarúmi og rúmgóðu baðherbergi með
baðkari.
Verið velkomin í Steinhúsið á Hólmavík
Árið 1996 var ráðist í endurbætur á húsinu. Það var lögð rík áhersla á að
viðhalda upprunarlegu útliti hússins. Húsið skiptist í þrjá sali,
aðalsal (gamla búðin), pakkhús og koníaksstofu. Í hverjum sal eru barir
skreyttir útskornum galdratáknum. Á efstu hæð hússins er koníaksstofan.
Þar er þægilegt að setjast niður eftir góða máltíð og slappa af.
Stiginn og gólfn þar eru jafngömul húsinu eða yfir 100 ára gömul.
Þar má einnig sjá upprunarlega máttarviði og bindiverk í veggjum hússins.
Í dag er pakkhúsið glæsilegur salur og gólfin í pakkhúsinu eru úr rekavið af
Ströndum. 
Galdrasafnið stendur á móti Steinhúsinu. Húsið er klætt með oliumáluðum rekavið af
Ströndum og með torfþaki. Þar er einnig að finna upplýsingamiðstöð og kaffisölu.
Á Hólmavík er ný og glæsileg íþróttamiðstöð, sundlaug og íþróttahús.
Sundlaugin var tekin í notkun 17. júlí 2004, en íþróttahúsið í janúar 2005.